Charlie Sheen-a’n thih aiin dam a thlang

Milar a ni a, HIV hrik a pai a, he natna a kai tih khawvelin a hriat khan mak a ti a nih kha. Charlie Sheen hian HIV hrik pai a ni tih a inpuan chuan a eizawnna thlengin a chhiat phah a hlau a, a inpuang lawk lo a ni. Mahse a eizawnnain a chhiat phah ta lem lo a, a lo rindan mai mai a ni. HIV hrik a pai a ni tih a hriat tirh phat phei kha chuan intihhlum te pawh a tum rum rum a, mahse thih aiin dam a thlang a, a thlang sual lo.

Charlie Sheen chuan, “HIV ka kai a ni tih ka inhriat chhuah hlim kha chuan inkahhlum mai hi ka duh hial a ni,” a ti. Kum li kalta aṭang khan HIV a positive a ni tih a inhria a, intihhlum a tum a, mahse a nuin intihlum lo turin a ti a, a inngaihtuah a, a nu chan turte a ngaihtuahin thih aiin dam a thlang ta zawk.

“Silaimu hmanga ka nunna chhah mai ka rilruk a; ka nu ka ngaihtuah a, ka nu chuan ka ruang a han senghawi turte ka ngaihtuahin thih ai chuan thih lo ka duh ta zawk a ni,” a ti.