Calf Love trailer tichhuak
Mizo film thar tur 'Calf Love' (tleirawl lai inhmangaihna) chu a trailer Zirtawpni khan tihchhuah a ni a, February thla hian tlangzarh a ni ang.
Calf Love hi thawnthu lungchhiatthlak, hlimawm leh nuihzatthlak inphiarvelna film a ni a, tleirawl, kum 13 aṭanga kum 19 inkarte hmuhnawm tih chi a nih hmel a, chutihrualin kum upa lamte tan pawha hmuhnawm tho tura ngaih a ni. A script hi PC Lallawmzuali'n hmeichhe rilru na tak pakhat chanchin behchhana a ziah a ni a, Bawiha Tlau chuan direct-in a siam rem a, Musical film leh Romance thei ang ber a buatsaih a ni.
He film siam nan hian cheng nuai 7 sên a ni a, trailer hi YouTube-ah dah chhuah a ni a, February 14 khian Vanapa Hall-ah tlangzarh a ni ang.