Sorkar school-ah English zirtir vek turin GoS-in duh

Prime Minister Narendra Modi-a’n a din, Group of Secretaries chuan ramchhunga sorkar school-ah English zirtir vek turin a duh.

Rawtna a siamah, Group of Secretaries chuan English zirtir bakah, class hrang hranga inhremna kalpui dan te, naupangte taksa hriselna atana yoga emaw, sports emaw kalpui tel tura an duh thute an tarlang.

PM hnena report a thehluhah, Group chuan mi rethei zawk, private school-a an fate dah theih lote chuan sorkar school-ahte chuan a pawl hniam lam aṭangin English zirtir mumal an nih loh avangin, an zir zelnaah harsatna an neih phah nia an ngaih thu a tarlang. Hei vang hian sorkar school-ah te chuan pawl hniam ber aṭang pawha English hi zirtir vek an rawt a ni.