Sangtei Renza music video an peih ta

Nunna Thar film-a a changtunu kha a zaithiam a, chu a zaina music video chu peih fel a ni ta. Sangtei Renza tan official-a a music video hmasa ber a ni a, a hla hi ‘Hnehna hla’ a ni.

Nunna Thar film-a a changtunu Sangtei Renza hi music lamah mi thar a ni lo. Adama nena ‘Stumblin’ in’ hla, Suzi Quatro leh Chris Norman te aw ang taka an sak hma khan, Open Strings hmingin music video an lo siam tawh a, hei bakah rapper thiam tak mai, RickyDrac nen ‘Medal’ tih hla an lo sa tawh bawk.

Tuna Sangtei Renza hla thar ‘Hnehna hla’ hi Siama, SVP phuah a ni a, Blue Wave Records-in a produce a ni. Video hi SVP leh Nunna Thar buaipuitutena an siam a ni a, music hi Blue Wave Records kuthnu a ni. Blue Waves Records chuan YouTube lamah midang tana upload a rem lo tih an sawi.