'Guardians Of The Galaxy Vol. 3' an chang zo tawh

James Gunn chuan Zirtawpni khan 'Guardians Of The Galaxy Vol. 3' an chan zawh tawh thu a sawi.

'Guardians Of The Galaxy Vol. 3' director James Gunn chuan Twitter kaltlangin hemi chungchang hi a puangzar a, an chan zawh tawh thu a sawi bakah hian an la puanzar loh lemchan thiam inlan tur an awm thu a sawi bawk.

Gunn hian Guardians star ṭhenkhat- Pom Klementieff, Chris Pratt, Karen Gillan leh Dave Bautista bakah a unaupa Sean Gunn-te nena an thlalak a tarlang a, a caption-ah,"Guardians of the Galaxy trilogy kan zofel lai thlalak," tih a ziak.

An thlalakah chuan Thanos-a fa lak Gamora lema chang Zoe Saldaña hmuh tur a awm lo a, a hnuah Zoe pawh kan bulah a awm e, mahse Zoe lanna thlalak ka neihah chuan puanzar loh lemchan thiam a awm ve a ni, tiin a sawi zui.

'Guardians Of The Galaxy' film hmasa ber chu kum 2014 khan tlangzarh a ni a, Kum 2017 khan 'Guardians of the Galaxy Vol. 2' chu tlangzarh leh bawkin heng film pahnih belhkhawm hian $tld. 1.6 lai a hmu chhuak a ni.