Oscar Winner Ariana DeBose-in Tony Awards host dawn

'West Side Story'-a a chet ṭhat avanga Oscar award hial dawngtu Ariana DeBose chuan Tony Awards 2022 a host dawn.

Kumin Tony Awards hi vawi 75 an semna tur a ni tawh dawn a, June 12 hian Radio City Music Hall, New York City-ah an sem ang. DeBose chuan thuchhuah a siamah Tony Awards a host chu a duhthusam hlawhtlinna a nih thu leh a phur tawh thu a sawi.

Tony Awards hi Broadway production-a che ṭhate chawimawina a ni a, kum li liam taah khan DeBose pawh hi nomination zingah a lo tel tawh a ni.