Bob Dylan Museum Tulsa-ah hawng dawn

Bob Dylan Museum, Bob Dylan Center chu Tulsa, Oklahama-ah naktuk hian an hawng dawn.

A puala Museum an siam hawnnaah hian Bod Dylan erawh a inlan thei dawn lo niin an tarlang a, mahse Elvis Costello, Patti Smith leh Mavis Staples-te chu an inlan dawn thung.

Kar hmasa Ningani zan aṭang khan Museum hawnna tur programme hi concert hmangin an ṭan tawh a, Bob Dylan Center dintu zinga mi Mavis Staples chuan concert-in bul a ṭan a ni. Zirtawpni zanah khan Patti Smith chu a concert bawk a, British classic rocker Elvis Costello leh The Imposters-te chu Inrinni zanah khan an concert tawh bawk a ni.

Bob Dylan Center-ah hian Church Studio Control Room a awm dawn a, chu chu Dylan-a hla hit hrang hrang an duh anga khawih kual vel theihna tur a ni. Dylan-a sulhnu hrang hrang hmuh tur a awm bawk ang.

Music legend Bob Dylan hi kum 80 lai ni tawhin kum 1962 khan a album hmasa ber chu a tichhuak tawh a, album 39 tichhuak tawhin kum 2020 khan a album hnuhnung ber 'Rough and Rowdy Ways' chu a tichhuak a ni.