'Friends'-a Mr. Treeger lema chang Mike Hagerty a thi

9th May, 2022

'Friends'-a Mr. Treeger lema chang Mike Hagerty chu kum 67 mi niin a thi.

Hagerty agent, August Kammar chuan Ningani khan a boral tih hi sawiin, Zirtawpni khan HBO lam pawhin thuchhuah siamin Hagerty thih thu leh an ui thu hi an sawi ve bawk a ni.

Mike Hagerty hian lemchan khawvelah sulhnu a hnutchhiah tam hle a, khawvela sitcom lar ber zinga mi 'Friends'-a a main character-te awmna apartment superintendent Mr. Treeger lema a chan avangin mi tam ber chuan an hriat a rinawm. Film 35 vel laiah inlanin TV show 60 chuangah a inlan bawk.

'Friends'-ah khan episode pangaah a lang a, episode pakhatah phei chuan Joey nen lam an inzirtir chiam a nih kha!