Zirna lam atan Shakira a inhmang zel

UNICEF tana palai hna thawk mek Shakira chuan naupan laia lehkha inzirtir pawimawhzia puang chhuakin a la hmanhlel zel. Hemi chungchangah hian British primeminister hlui, Gordon Brown pawh a titipui.

Shakira hi Switzerland-a Davos-ah a awm mek a, he khuaah hian khawvel ram hrang hrang hruaitute pungkhawmin, Wolrd Economic Forum neih a ni. Thawhṭanni aṭang khan Shakira pawhin Davos aṭang hian a hmalakna bul a ṭan chho ta tak tak a, naupang lehkha zirtir pawimawhzia a puang zel dawn.

World Economic Forum-ah hian mihringte tana hna a thawh nasat avangin Shakira hi Crystal Award an hlan.