Republic Day pual­in Cycle Challenge awm dawn

India Republic Day pual hian 1st Inkspot Cycle Challenge chu January 26 hian neih a ni dawn a, category hrang hrang a awm ang a, lawmman ṭha tawk tak siam a ni ang.

1st Inkspot Cycle Challenge-ah hian Millenium Centre aṭangin Bawngkawn lama kalin World Bank Road-ah, chutah Zapuimanga Point thleng thirsakawr hmanga tlân tur a ni. Kum 16 hnuai lam category siam a ni a, pakhatnain Rs. 2,500 a dawng ang a, t-shirt leh trophy a dawng tel bawk ang. Pahnihnain Rs. 1,500 leh pathumnain Rs. 1,000 an dawng ang.

Men's Open category-ah pakhatnain Rs. 3,500 bakah trophy leh t-shirt, pahnihnain Rs. 2,500 leh pathumnain Rs. 1,000 an dawng ang. Hrechiang duh tan 9856910013 leh 9862532940-ah te biak theih a ni.