Grace Lalchhanhimi hla thar 'Chunnu' a hnai

Mizo Idol Grace Lalchhanhimi chuan 'Chunnu' music video a tichhuak dawn a, rei loteah thlira ngaihthlak theihin a awm ang.

Grace-i hian kumin hian music video a la tichhuak tam loa, 'Chunnu' hi a music video pahnihna tur chiah la niin, hla ṭha tak, mi tinin kan ṭawmpui theih tur hla a ni dawn. A music video tihchuah hnuhnung ber 'I Hmangaihna a lo lang ṭhin' chu tunah hian Ṭhazual chart lamah pawh a che ṭha chho leh mek a, tuna a hla thar tur pawh hi a chet ṭhatpui leh viau a rinawm.

'Chunnu' hi Isaac-a phuah niin music video-ah chuan zaithiam dang leh Mizo film star kan hmelhriat zawng tak inlan turte pawh an awm dawn a, 'Mag Datoing' kut chhuak niin beng mai bakah mit pawh a tlai dawn niin a lang.

Audio leh music chu Grace-i'n a thawhpui fo ṭhin Blue Wave Records kutchhuak bawk a ni a, khawl ni loin mihring play ngei a tam thei ang ber hman a ni a, chu chu music tihlutu tur pawh a ni ngei ang. Tun aṭanga rei loteah he music video hi Zonet leh YouTube lamah thlira ngaihthlak tur a awm thuai dawn a ni.