Voltas Malsawm House Ṭhazual Lengzem ; Benjamin Sum 'Sam ang ṭhen zai I rel tawh mai ang' pakhatna a ni

Voltas Malsawm House Ṭhazual Lengzem chart-ah Benjamin Sum 'Sam ang ṭhen zai I rel tawh mai ang' chu pakhatna a ni.

Benjamin Sum lar zia leh ṭhalaite'n an duhzia kan hria a, tuna chart topper a nihpui 'Sam ang ṭhen zai I rel tawh mai ang' pawh hi tunlai lengzem hla lar ber pawl a ni. Chart hmasa lamah khan pangana a ni a, thui tak zuangin pakhatnaah a rawn inhlangkai a ni.

He hla hi thla khat chhung vel lek YouTube lamah a la awm nachungin thlirtu nuai sarih dawn thuak a nei tawh. A hit lo tih loh rual a ni lo. Chart topper a ni hi a mak loa, video a hmuhnawmin a hla a mawi bawk nen, chart lehah pakhatna a ni leh thei dawn em tih chu hriat a chakawm tawh viau mai.

Chart-ah artist ṭhazual hlang an intlar
'Khep khep maia' hmangin Zofate min awi a, hun rei tak chhung thawm a neih loh hnuah Josephine Lalawmpuii chu 'Ka luangliam' hmangin a rawn comeback a, chart-ah pahnihna a rawn ni leh ta reng mai.

Pathumna pawh Shin Bia ft Casper & Tluanga Hnamte 'Ka tawng ta che' tih kha a ni. Heti chin ringawt pawh hian tunṭum chart 'hot' zia chu a tilang chiang hle.

Mesty Chawngthu 'Amawii Zun' chu palina a ni a, Zorinzuali Khiangte 'Lungher lo la' chu pangana a ni thung.

Remkimi Cherput, Lowdy ft Emily Sung, Zaii Hauchhum, Zodinpuii Sailo leh Bawi Hmun Lian-te pawh chart top 10-ah an lang a ni.

Ṭhazual Lengzem chart top 10:-
1 Benjamin Sum Sam ang ṭhen zai I rel tawh mai ang
2 Josephine Lalawmpuii Ka luangliam
3 Shin Bia ft Casper & Tluanga Hnamte Ka tawng ta che
4 Mesty Chawngthu Amawii Zun
5 Zorinzuali Khiangte Lungher lo la
6 Remkimi Chetput Nghak zel nang che
7 Lowdy ft Emily Sung Ze hrang
8 Zaii Hauchhum Ka chelh ngam lo che
9 Zodinpuii Sailo Min hre reng ang che
10 Bawi Hmun Lian Thinlung rukru