Randy Rhoads documentary 'Randy Rhoads: Reflections Of A Guitar Icon' tlangzarh

Ozzy Osbourne-a guitarist ṭhin, heavy metal legend Randy Rhoads documentary 'Randy Rhoads: Reflections Of A Guitar Icon' chu Zirtawpni liam ta khan an tlangzarh.

Randy Rhoads documentary hi minute 85-a sei niin Andre Relis chuan a direct a, L.A. GUNS guitarist Tracii Guns chuan narrate-in Michael Bruining chuan script a ziah bakah editing pawh a khawih nghal a ni.

He film-ah hian Randy nu Delores Rhoads, a unaupa Kelle Rhoads, Eddie Van Halen (VAN HALEN), Rudy Sarzo (QUIET RIOT), Frankie Banali (QUIET RIOT), Joel Hoekstra (WHITESNAKE), Bruce Kulick (KISS), Doug Aldrich (WHITESNAKE, DIO), Gary Moore, Dweezil Zappa, George Lynch (DOKKEN) leh Ozzy Osbourne an interview-nate pawh a awm a ni.

'Randy Rhoads: Reflections Of A Guitar Icon' hi on-demand video streaming site ṭhenkhatah chuan an chhawp chhuak tawh niin media ṭhenkhat chuan an tarlang.

Legend kum 25 mi Randy Rhodes
American heavy metal guitarist Randy Rhodes chu kum 1982 khan kum 25 mi lek niin thlawhtheihna chesualah a thi a ni.

Mihring ngaihah kum naupangtein boral mah se a sulhnu hnutchhiah erawh a ropui a, mi tam tak chuan khawvela guitarist ropui berah an ngai hial. Ozzy Osbourne guitarist a nih bakah Quiet Riot band guitarist a ni bawk a, Quiet Riot-ah hian album pahnih a siampui a, Ozzy Osbourne nen pathum an tichhuak bawk.

Nikum October thla khan Rock and Roll Hall of Fame-ah lakluh a ni. Guitar technique tihlar a nei nual a, two-handed tapping leh tremolo bar dive bombs-te pawh a tihlar niin an sawi.