Seohyun-i’n a solo album a tichhuak

Girls’ Generation-a an member naupang Seo­hyun chuan naupang chhia mai a nih lohzia lantirin, a solo album hmasa ber a tichhuak.

Seohyun hi Girls’ Ge­neration member zinga mahnia solo album tichhuak thei pathumna a ni a, a album thar hi Don’t Say No a ni a, Thawhṭanni aṭang khan an hralh ṭan. He album-ah hian hla pasarih lai a awm.

Girls’ Generation member zingah Taeyeon leh Tiffany ten album an lo tichhuak tawh a, Seohyun hian a rawn zui; ani hi an group-a an lead vocalist pathum zinga pakhat a ni. Taeyeon hian kum 2015 khan solo album a lo tichhuak tawh a, nikum khan Tiffany hian a ti­chhuak ve leh. Nikum khan an member hlui Jessica chuan album a tichhuak bawk a nih kha.

Seohyun hian album a tihchhuah rual hian a album hming put chhan ‘Don’t Say No’ hla chu music video-in a tichhuak nghal a, YouTube lamah pawh a hit nghal hle. He music video hi tun thleng vawi maktaduai 2.5 lai en a ni tawh.