Shilpa Shetty-i’n en loin XXX: The Return of Xander Cage a fak!

India rama Twitter-a lar mek chu Shilpa Shetty-i’n en pawh en tluan hauh loa Deepika Padukone-i channa, XXX: The Return of Xander Cage a fak ve chiam ringawt hi a ni.

Thawhlehni zan khan Shilpa Shetty leh a pasal Raj Kundra te chu Juhu-ah Deepika Padukone leh Vin Diesel te channa en tur hian an chhuak a, thlalatute leh chanchinbu mite pawhin an lo hmu a, a hnu lawk, minute 30 pawh tling loah cinema hall hi an chhuahsan lehnghal. XXX film hi darkar khat leh a chanve zeta thui a ni.

An en rei lo a ni a, heti chung hian hriat hmel takin Shilpa leh a pasal hian twitter-ah an fak vel

chiam a, mi rin an hlawh lo hle. India ram chanchinbu ṭhenkhatte chuan Shilpa, Dawt-sawi-hmangi tiin an ziak. Thla hmasa lawk khan Shilpa hian hetiang deuh bawk hian dawt a lo sawi tawh. George Orwell-a ziak ‘Animal Farm’ chu a chhiar pawh chhiar hauh loin Twitter-ah review te a rawn ti vel a, an sâwt chiam tawh bawk.