Super Bowl-a politic sawi lo turin Gaga an hrilh

February thlaa Super Bowl-a half time show-a zai tur Lady Gaga chu National Football League chuan a zai hunah politic sawi lo turin an hrilh.

Lady Gaga hian Donald Trump hi a duh lo hle a, inthlan hma aṭang tawh khan Donald Trump hi a lo bei tawh a, in­thlan hnuah pawh a sawiselna a bâng chuang lo. Hetiang hi a nih avangin NFL hotute chuan Super Bowl-ah pawh hian Donald Trump chungchanga a sawi chhuah an hlau a, politics kaihhnawih sawi lo turin an hrilh.

NFL Super Bowl-a zai turin Gaga hi a inbuatsaih nasa tawh hle. A ruahman phei chu a pui lehzual hle. NFL Super Bowl hi Houston, Texas-a khelh tur a ni a, Gaga hian stadium chung aṭanga zai a tum a, a inbuatsaih nasa hle.