Federer a la beidawng lo

A khup hliam vawi hnih zai a nih hnuah Roger Federer a la beidawng lo a, nakkuma khelh tur Tokyo Olympic-ah inlan ngei a tum - a hliam vang hian kuminah erawh inkhelh a tum tawh lo.

Grand Slam vawi 20 champion tawh Federer chuan, "Ka dinhmun a ṭha zel a, ṭha taka tennis khel thei tur erawh ka la ni lo deuh. Season hman chhunzawm ka tum tawh lo tih ka sawi nawn, tunah chuan nakkum atan rilru ka seng tawh zawk.

"Season tharah hian tournament khelh châk tak tak ka ngah, chung zinga langsar tak chu Tokyo Olympic a ni," a ti. Swiss star hian hlawhtlinna hrang hrang chang tawh mah se singles bikah chuan Olympic gold medal hi a la hlawh chhuak lo. Tun hmain Stan Wawrinka nena ṭang dunin doubles huangah chuan gold medal la tawh mah se a la duh tawk lo, nakkumah chuan Federer hi kum 40 a ni tawh dawn a, a tan tournament khelh tur thlan fimkhur a ngai lehzual tawh ang.