Bill Clinton-a chanchin TV film-ah

Hillary Clinton pasal, Bill Clinton president a nih laia a thubuai, Monica Lewinsky nena sexual affair an neih chu TV film, American Crime Story-ah tihlan a ni dawn!

American Crime Story-a an executive producer, Ryan Murphy chuan Jeffrey Toobin-a lehkhabu behchhanin he TV film-a season tharte chu siam a ni dawn tih a sawi. A hma pawhin Jeffrey Toobin-a lehkhabu ‘The Run of His Life: The People vs OJ Simpson’ behchhanin an lo siam tawh a, season lo awm tur eng emaw bera an hman leh tur, Toobin lehkhabu hi ‘A Vast Conspiracy: The Real Story of the Sex Scandal That Nearly Brought Down a President’ a ni.

Tunah hian American Crime Story season 2 tur buaipui mek a ni a, a title tur chu ‘Katrina’ a ni. Hetah hian Hurricane Katrina-in New Orleans a nuai ṭuma thil thleng tarlan a ni ang. Season 3-ah chuan kum 1997-a Miami-a an thah, Gianni Versace chungchang ‘Versace’ a ni ang.