US inthlan avangin Ed Sheeran-a’n a album a tikhawtlai

British zaithiam, tuna Billboard 100-a a hla pakhatnaa awm mek Ed Sheeran chuan US president thlan avang khan a album tihchhuah hun tur a pawt hla.

Ed Sheeran hian a album tihchhuah tur, LP album, ‘÷’ chu a tum hmasak dan chuan nikum November thlaa tihchhuah tum a ni. Amaherawh chu US-in November-a president an thlan avangin a album tihchhuah hun hi sawn hlain, kumin March thlaah a tichhuak ang. Sheeran chuan a album thar tur hi a chhuang hle a, “Khawvela album ropui ber tur a ni ang,” a ti.

Billboard 100 chart-ah khan Ed Sheeran hla chu pakhatnaah a rawn kai a, Billboard 100-a pakhatna a vawi khat luahna a ni. A hla ‘Shape of You’ hi January 12 chawlhkar chhung khan vawi 240,000 zet download a ni. A hma khan hla hit tak tak nei mah se, Billboard Hot 100-ah khan pakhatna luah thei an awm lo. Spotify lamah pawh a hlawhtling hle a, ni khat chhungin vawi 6,868,642 zet an stream.