UCL final Opening Ceremony-ah Camila Cabello

May 28 hi football ngainatute tan ni nghah-hlelhawm a ni. A chhan chu UEFA Champions League final khelh ni a ni a, Paris-a Stade de France-ah Liverpool leh Real Madrid an inkhel dawn. Chu hunah chuan zaithiam Camila Cabello a zai dawn.

2022 UEFA Champions League final opening ceremony-ah Fifth Harmony member ni ṭhin Camila Cabello hi a inlan dawn a, amah pawhin a phur tawh thu a sawi.

Cabello chuan UEFA Champions League Final Opening Ceremony-ah ka perform dawn tih phur takin a puang a, surprise-na tur che u dahṭhat ka nei ṭeuh mai, tiin a sawi.

Nikum UCL final Opening Ceremony-ah khan Marshmello kan hmu tawh a, Selena Gomez leh Khalid-te nen performance ropui tak min hmuhtir a nih kha. Kuminah hian Cabello hian mit leh beng a tihtlai leh viau a rinawm a, Cabello fan ni bawk, Liverpool emaw Real Madrid emaw fan ni bawkte tan chuan UCL final chu a nghahhlelhawm tawh hle ngei ang.