Billboard Music Awards-ah Travis Scott inlan dawn

2022 Billboard Music Awards-a inlan tur zingah Travis Scott a tel.

Nikum November thla khan Texas-a Astroworld music festival a neihnaa mi 10 lai an thih hnu khan mipui hmaah a la perform tam loa, Billboard Music Awards hi stage lian takah phei chuan a inlan lehna hmasa ber tur a ni hial mai thei.

Kylie Jenner bialpa rapper Travis Scott hi Pathianni khan Miami, Florida-a E11EVEN nightclub-ah minute 45 vel a inlan a, chu chu nikum November thlaa chhiatna thlen hnua vantlang hmaa a perfrom lehna hmasa ber ani nghe nghe.

Kumin Billboard Music Awards-ah hian Best Dance/Electronic Song award la thei zingah a tel a ni.

Mary J. Blige, Megan Thee Stallion, Burna Boy, Silk Sonic leh Red Hot Chili Peppers-te chu an inlan dawn tih puanzar a ni tawh a, tunah hian Travis Scott bakah hian Ed Sheeran, Becky G, Elle King leh Miranda Lambert-te chu an inlan dawn tih an puangzar leh a ni.