Anselmo-a'n Pantera hla thulkhung a sa

Pantera vocalist ṭhin Philip Anselmo chuan kar hmasa khan Pantera hla thulkhung 'We'll Grind That Axe for a Long Time' chu a vawi khatna turin live-in a sa.

Anselmo band  Illegals-te chu January 30 khan Umeda Club Quattro, Osaka, Japan-ah an perform a, hetah hian Pantera pawhin live-a an la sak ngai loh hla hi Anselmo hian a sa ta a ni.

"A hmasa ber leh a pawimawh berah chuan, heng hlate hi engtiklai pawhin Vin­nie Paul leh Dime-te hmangaihna leh hriatrengna tur a ni reng. Tuna ka hla sak tur pawh hia Pantera khan an la sa chhuak ngai lo, live-ah kan la sa lo. Tum hi live-a a ṭum khatna atana kan sakna tur a ni. He hla hi a hlu hle a, Pantera Fans hardcore fan-te tan a ni a, 'We'll Grind That Axe for a Long Time' tih a ni," tiin an sak hmain a hla saktur a ngaihhlut thu a sawi hmasa.

Pantera-in an kehdarh hmaa an album hnuhnung ber Reinventing the Steel an tlangzarh aṭangin kum 20 vel zet a liam tawh a, fan erawh an la ngah hle.

Pantera guitarist leh khawvela metal guitarist ṭha sawi ruala a hming lo ri ve ziah Dimebag Darrell kha December, 2004 khan stage-a a peform lai a fan pakhatin a kap hlum a, an drummer Vinnie Paul erawh June, 2018 khan lung lam ṭhat loh vangin a thi thung. Dimebad leh Vinnie hi unau an ni.