Split-in sum a lalut hnem ber

Kar tawp ni thum chhung khan North America-ah chuan ci­nema hall-a ticket hralh­na, box office aṭanga sum lalut hnem ber chu Split a ni.

James McAvoy channa, horror-thriller film hi a che ṭha hle a, USD mtd 40.2 zet lalutin, Deepika Podukone leh Vin Die­sel channa, XXX: The Return of Xander Cage aiin sum a lalut hnem zawk. Split film hi a thawn­­thu ruangam thlir­in a hmuhnawm hle ang. Kevin Wendall Crumb (James McAvoy) chuan mize inang lo tak tak 23 lai a nei a, chung a mize 23 zinga pakhat chuan tleirawl pathum a rubo a; a rukbo pahnih chuan Kevin mize, an­mah­ni rubotu, Dennis chu beih an tum mek lai­in, Kevine-a mize dang Patri­cia chuan mize pakhat Dennis chu anmahni khawih nat phal a nih loh thu a hrilh. Hetiang vel chanchin hi a ni a, a thawn­thu hi a ngaihnawm khawp mai.

XXX: The Return of Xander Cage hi a thawm a lian a, India-ah phei chuan a thawm a lian lehzual. Hetiang hi ni mah se pakhatna a luah pha lo a, pahnihnaah a awm. Kar tawp chhung khan USD mtd 20 chauh a lalut. US pawn lamah erawh a che pangngai viau a, USD mtd 50 lai a lalut tling. Hidden Figures chu pathumnaah a awm ta a, USD mtd 16.2 lai a thawk chhuak thei.

Box office ($ mtd biin)

“Split” - $40.2 million

“XXX: Return of Xander Cage” - $20

“Hidden Figures” - $16.2

“Sing” - $9

“La La Land” - $8.4

“Rogue One: A Star Wars Story” - $7

“Monster Trucks” - $7

“Patriots Day” - $6

“The Founder” - $3.8

“Sleepless” - $3.7