The Weeknd Billboard 200-ah tluk thei an la awm lo
Billboard 200 chart tihchhuah thar lehah The Weeknd tluk thei an la awm ta chuang lo a, chawlhkar thumna atan pakhatna a luah leh.
The Weeknd album ‘Starboy’ hi kar liam ta chhung khan copy 61,000 lai an hralh leh a, US-ah kar liam ta chhunga album hralh hnem ber a ni leh a, a zawnin chawlhkar thum chhung pakhatnaah a awm ta. Streaming equivalent lamah The Weeknd hi a che ṭha hle a, streaming equivalent album ngawt pawh hi copy 38,000 a ni. Hemi awmzia chu album-a hla vawi 1,500 zet internet-a an stream hian album pakhat tlukpuia chhiar a ni. Copy 38,000 ngawt streaming equivalent album a nih chuan The Weeknd-a album ‘Starboy’ album-a hla awmte vawi maktaduai 57 zet an stream tihna a ni. Hla ṭhenkhat chu vawi 5 chauh pawh a ni thei a, a album-a hla awm zawng zawng an stream aṭangin an chhut pawp ṭhin.
The Weenkd album hralh aṭanga copy 10,000 hi Track Equivalent album a ni a, he album-a awm hla 10 an hralh tlin apiangin album pakhat anga chhiar a ni a, a hla ngai hlir emaw, a hla hrang hrang emaw kha a hlawmin an chhiar bawk.
London alternative band, The xx album pathumna ‘I see you’ chu pahnihnaah a awm a, copy 46,000 an hralh. The xx tan hian tuna an album hi chart-a thleng sang ber a la ni. La La Land soundtrack chu pathumnaah a awm a, Moana soundtrack chu palinaah a awm.
Billboard album chart
“Starboy” - The Weeknd (61,000)
“I See You” - The xx (46,000)
“La La Land” Soundtrack - Various Artists (42,000)
“Moana” Soundtrack - Various Artists (34,000)
“24K Magic” - Bruno Mars (33,000)
The “Hamilton” Soundtrack - Various Artists (28,000)
“4 Your Eyez Only” - J. Cole (a little more than 27,000)
“Views” - Drake (27,000)
“Stoney” - Post Malone (25,000)
“Trolls” Soundtrack - Various Artists (23,000)