Perfume lamah Angelina Jolie a kal

Brad Pitt nena an inṭhen hnua Angelina Jolie hmalakna, a hming lanna tur lian tak chu French perfume-ah a ni. Guerlain Parfumeur chuan Angelina Jolie hmingin perfume an tichhuak thar a, he perfume aṭanga hlawk­na a hmuhte hi Jolie chuan ṭanpuina lam atan a pe vek dawn tih a sawi. Guerlain leh Jolie hian inhnaihna riau an nei. 

Angelina Jolie nu khan powder leh incheimawina lam thilah Guerlain thil siam chauh a hmang ṭhin. Hei bakah hian kum 2015-a Cambodia-a Jolie-i’n film 'First they killed my father' a siam aṭang khan Guerlain hian an rawn hnaih ṭan a, heti hian an thawk ho chho ta a ni. Angelina Jolie perfume tur hi Mon Guerlain tih a ni. Guerlain hian nikum khan model Natalia Vodianova chu partner atan inremna an lo siampui tawh bawk.