Jay-Z-a’n Tidal-a a share a hralh ṭhen

Jay-Z-a streaming service Tidal chu tunah chuan Jay-Z ta vek a ni ta lo. Jay-Z hian Tidal-a a share hmun thuma ṭhen hmun khat chu Sprint hnenah a hralh.

Jay-Z hian Tidal-a a share aṭanga a hralh hi a sum zawng chuan USD mtd 200 a ni. A leitu Sprint hi US-a telecommunication lama company lian tak a ni a, wireless leh internet service provider hlawhtling a ni. Tidal-a share an neih takah chuan an service hmangtute hnenah Tidal hi an pe chhuak ve thei dawn ta a; Sprint hian customer maktaduai 45 vel lai an nei. Hetiang a nih chuan Tidal hlutna hi a san phah a rinawm.