ṬHAZUAL LENGZEM No.1-ah Didika Chhakchhuak 'I bei reng si'

Ṭhazual Lengzem chart-ah Didika Chhakchhuak 'I bei reng si' chu pakhatna a ni a, Rengchal 'Ngaihzuali' chu pahnihna niin Tommy L Pachuau 'Lungrunpui' chu pa­thumna a ni bawk.

Chart hmasaah khan pahnihna a ni a, tunah erawh dinhmun ṭha berah a rawn inhlangkai ta a ni.

Didika Chhak­chhuak hian hla lungkuai tak 'I bei reng si' hi January thla laihawlah khan a tichhuak a, a hla a mawi piah lamah music video pawh a hmuhnawm hle. Rebecka Vaiphei phuah niin amah Didika hian a thluk hi a siam nghe nghe a, Mizo rilrem zawng tak niin ngaihthlak a manhla hle a ni.

Chart hmasaa pathumna Reng­chal 'Ngaihzuali' chu pahnihna a rawn ni ta a, Rengchal pawh hian hma an sawn zel a, an dinhmun an sawh nghet mek zel a ni.

Tommy L Pachuau pawhin a hla thar 'Lungrunpui' chu hma sawn pui zelin pathumnaah a rawn inhlankai pui a, Mizo rimawi khawvela sulhnu nei ṭha tak Tommy pawh hi dinhmun ṭha bera ding turin a hmabak a eng hle.

Chart hmasaa pakhatna din­hmun hauhtu Mimi Remruatsangi 'Vul zel rawh aw' chu palina a ni ve thung a, Mama Fishtail chuan 'Kan damchhan' hmangin Top 5 a khar a ni.

Ṭhazual chart Top 10-a lang zingah hian Marina Vanhriatpuii Varte leh Michelle Varte-te pawh an tel.

1    Didika Chhakchhuak    - I bei reng si

2    Rengchal    - Ngaihzuali 

3    Tommy L Pachuau    - Lungrunpui

4    Mimi Remruatsangi    - Vul zel rawh aw

5    Mama Fishtail    - Kan damchhan  

6    Marina Vanhriatpuii Varte    - Awithangpa hla

7    Eddie Pachuau    - Lairil hmangaihna

8    Michelle Varte    - Chawngtinleri

9    Rualthana    - I tan

10    Rohlupuii    - Her sual lo