Dua Lipa-i'n a album 3-na tur chungchang a sawi

English singer Dua Lipa chuan Vogue hnenah a album pathumna tur chungchang sawiin a hla zatvel vel chu phuah fel a nih tawh thu a sawi.

Dua Lipa hian June/July Vogue cover story-ah hemi chungchang hi sawiin a album thar turah chuan hmasawnna a awm ngei dawn tih a sawi bawk.

Hrileng vangin Future Nostalgia world tour a hnawh khawm a, tunah hian gig 40 chuang lai a la hmabak nachungin Dua Lipa chuan a album thar tur chu eng emaw chen a buaipui tawh tih hi a sawi a ni. A album pathumna tur hi a title erawh a la sawi lang lo."Ka puitling lehzual tawh chiang a ni. Sonically a ni emaw theme chungchangah a ni emaw, ka puitling tawh zawk," tia sawiin,"Thiltihtheihna ka nei ang mai a ni tawh a, ka duhzawng sawi chhuah ka hlau lo. Ka duhzawng hriatthiamna chungchang a ni," tiin a album thar tur chungchang chu a sawi lang a ni.

Dua Lipa hian studio album pahnih chiah a la tichhuak a, kum 2017 khan a album hmasa ber 'Dua Lipa' tichhuakin kum 2020 khan a album pahnihna 'Future Nostalgia' a tichhuak leh a ni.