One Direction 'Drag Me Down' tld-in thlir tawh

One Direction-in kum 2015-a an tihchhuah 'Drag Me Down' chuan YouTube-ah thlirtu tluklehdingawn a nei tling ta.

'Drag Me Down' hi Zayn Malik tel loa an music video tihchhuah hmasak ber niin kum sarih chhungin mel lung pawimawh tak hi an phum ta a ni. He hla hi an tihchhuah tirh pawhin a lar nghal hle a, Billboard Hot 100-ah pathumna hial te niin chart-ah kar 20 lai a cham bawk.

YouTube-ah hian music video billion views nei tling 200 vel chiah a la awm a, chung zingah chuan One Direction 'Drag Me Down' hi a tel ve ta a ni. Music video billion view kai hmasa ber chu Psy-a'n kum 2012-a a tihchhuah 'Gangnam Style' kha a ni.