Selena Gomez-i'n beauty brand thar nei dawn

A chawlh vang vang hnuah nikum kum tawp aṭanga music khawvelah a rawn let leh a, huhang pawh a nei lian leh tawh hle. Selena Gomez chuan ama pual beauty brand thar 'Rare Beauty' chu kumin nipui hian hawn hman a tum thu a instagram kaltlangin a sawi.

Kum 27 mi Selena hian North America-a personal care and beauty store 'Sephora' kaltlanga a beauty brand thar tur hi a hawn dawn thu a tarlang a ni. A comestic thar tur pual hian live chat a buatsaih bawk a, he hunah hian Selena chuan kum hnih chhung hemi buaipui nan hian hun a hman thu tawh sawiin, thawhpui tur miṭha tak takte a tawn thu leh, he beauty brand hian midang hlimna a thlen a rin thu a sawi a, hawn hlan chu a nghakhlel viau tawh tih a sawi bawk.

Rare Beauty brand hi peih fel a nih hunah hmun hrang hranga Sephora dawr­ah lei theih a ni dawn a, Rare Beauty CEO Scott Friedman chuan an brand part­ner atan Sephora an hmang thei hi a hlu hle tih a sawi.