Album Equivalent Unit
Billboard album chart an tihchhuahin Album Equivalent Unit hi a pawimawh ta hle. Drake khan album equivalent unit avang hian pakhatna pawh vawi tam tak a luah. Album equivalent hi a pawimawh tial tial dawn a nih hmel.
Album equivalent rawn chhuahna chhan ber chu physical sale an tih, CD te, DVD ang chitea hralh a tlem nasat tak vang a ni. Kum 1999 khan US-ah album an hralh, CD ang chiho kha copy tluklehdingawn 14.6 a nih laiin, kum 2009 kha chuan copy tluklehdingawn 6.3 chauh a ni tawh. Kum 2014 khan US-ah chuan Frozen soundtrack leh Taylor Swift album 1989 te chauh kha Platinum certificate pek theih album a ni. Hetiang hi a nih tak avangin album equivalent hi an hmang ta a ni.
US-ah Billboard 200 chuan kum 2014 December aṭang khan album equivalent hi an hmang ṭan a, UK-ah chuan March 2015 aṭangin an hmang ṭan thung.
Album equivalent an hmanah hian audio subcribe-na Spotify, Beats Music, Geoogle Play leh XBox Music aṭanga hla hralhte chhiar tel a ni ta. Track Equivalent Album a awm a, chutah chuan music track, album pakhata mi kha 10 an hralh tlin chuan album pakhata chhiar a ni a, Sreaming Equivalent lamah chuan vawi 1,500 album-a mi hla an stream tling chuan album pakhat tlukpuia chhiar a ni.