Fak Zai top 20 thawh hnihna

Mizoram UPC kohhran ṭhalai pawl, General Pentecostal Youth Department hnuaia Literature Committee leh Literature & Publication Board-in an buatsaih, Pentecost Fak Zai top 20 intihsiakna chu Ningani zan khan neih ṭan a ni.

Dinthar Kohhran Hall-a top 20 intihsiakna, zan hmasaah hian zaithiam 11 an inlan a, zanin dar 7:30-ah thawhhnihna neih tur niin, zaithiam 11 bawk an inlan leh ang.

Fak Zai top 20 intih-siakna hi General PYD YouTube channel-ah live-in a en theih ang a, a zan khatna hi Zonet Bawh-belah, May 14, Inrinni zan dar 8:00-ah pekchhuah a ni ang a, a zan hnihna hi Zonet Bawhbelah, May 15, Pathianni zan dar 8:00-ah chhuah a ni bawk dawn a ni.