Google Translate-ah Mizo ṭawng tel tawh dawn

Google chuan an language-translation tool an upadate-a, chutah chuan ṭawng thar 24 telhin chung zingah chuan Mizo ṭawng pawl a tel.

Google translate hian tunah hian ṭawng chi hrang 133 a support tawh dawn a, tuna an belh thar zingah hian Mizo bakah Assamese, Bhojpuri, Sanskrit leh Manipuri (Meiteilon)-te pawh a tel a ni.

Google CEO Sundar Pichai chuan hemi chungchang hi puangzarin ṭawng chi hrang 24 an telh belhte hi khawvel pumah hmangtu maktaduai 300 chuang an awm tih a sawi a, Assamese, Mizo leh Meiteilon-te hi India hmarchhakah hmangtu mtd 27.8 chuang an awm a ni, a ti.

Google Translate-a ṭawng belh tharte chu- Assamese, Aymara, Bambara, Bhojpuri, Dhivehi, Dogri, Ewe, Guarani, Ilocano, Konkani, Krio, Lingala, Luganda, Maithili, Meiteilon (Manipuri), Mizo, Oromo, Quechua, Sanskrit, Sepedi, Sorani Kurdish, Tigrinya, Tsonga, leh Twi-te a ni.