Pokémon: Coco nipuiah tichhuak dawn

Kumin chhunga Pokémon movie tihchhuah tur  Pokémon: Coco chu a trailer kar hmasa khan tihchhuah a ni a, nipui laiin Japan-ah tlangzarh hman tum a ni a, khawvel hmun dangah engtik hunah nge an tlangzarh dawn tih erawh tarlan a la ni lo.

1998 aṭang khan kumtin deuhthaw Pokémon Movie hi tihchhuah a ni a, a tir lam ang khan Box Office velah che ṭha lutuk tawh ṭhin lo mah se nikuma live action movie Pokémon: Detective Pikachu tihchhuah a nih kha a hlawhtlin em avangin kumina Pokémon Movie tihchhuah leh tur pawh hian ngaihven a hlawh hle rin a ni.

2017-a tihchhuah Pokémon the Movie: I Choose You! leh 2018-a tihchhuah Pokémon the Movie: The Power of Us kha timeline hrana siam a ni a, kumina tihchhuah tur Pokémon: Coco hian khami timeline kha a zawm dawn lo nia sawi a ni thung.