U2 tour tur a hot leh dawn

Band chuai thei lo, ri hluai lem lo, fan ngah em em reng U2 chuan an band kum 30 tlin champha phak atan May 12 aṭang khian The Joshua Tree tour an nei dawn a, a bon leh hmel hle. Ticket an hralh chhuak ṭan a, darkar 24 chhung chauhin ticket maktaduai 1.1 zet an hralh nghal thei.

The Joshua Tree-ah hian U2 hian opener pawh an nei ṭha dawn hle. Europe leh America an tuam ang a, chutah chuan North America bikah Mumford & Sons, OneRepublic leh The Lumineers te opener an ni ang a, Europe-ah chuan Noel Gallagher’s High Flying Birds chuan an concert an open ang.

U2 tour hnuhnung ber kha kum 2009 - 2011 chhunga 360 tour kha a ni. Kha tour kha khawvel tour chanchinah chuan tour hlawhtling ber a ni. USD 736,137,344 zet tour aṭangin sum an lalut a, an concert entu zawng zawng kha mi 7,268,430 zet an ni.