Kar tawp chhung khan US-ah movie ṭha­hnem tak tihchhuah ni mah se kar hmasa hmasa leha sum lalut hnem ber tho, Split bawk chu sum lalut hnem ber a ni leh.
Kar liam ta kar tawp ni thum chhung khan Split hian USD mtd 26.3 bawk a lalut leh a, hengte nen hian chawlhkar hnih chhungin khawvel pum­ah USD mtd 100 a hmu tling ta. He film hi mi pakhat, mize inang lo tak tak nei chanchin a ni a, a mize (persona­lity) pakhatin hmeichhe pathum a rukbo thu a ni.
Sum lalut hnem pa­hnihna hi ui chanchin a ni. ‘A dog’s purpose’ hian kar tawp chhung khan USD mtd 18.4 a lalut a, pahnihnaah a awm. He film-a ui an tarlan dan­ah mi tam tak an lungawi lo viau. He film hian ui a tikhawngaih­thlak a ni an ti. Hetiang thil vel avang hian a hma, an tihchhuah hma aṭangin an sawisel a, mahse he film siamtute chuan a tak takah chuan ran sawisak emaw, tihkhawngaih­thlak tak tak a ni lo a, edit vek a ni an ti.
Box office movie
“Split” - $mtd 26.3
“A Dog’s Purpose” - $mtd 18.4
“Hidden Figures” - $mtd 14
“Resident Evil: The Final Chapter” - $mtd 13.9
“La La Land” - $mtd 12
“XXX: Return of Xander Cage” - $mtd 8.2
“Sing” - $mtd 6.2
“Rogue One: A Star Wars Story” - $mtd 5.1
“Monster Trucks” - $mtd 4.1
“Gold (2016)” - $mtd 3.5