Hontrade International Ṭhazual Fakna chart thar berah Lalremsiami chu ‘Ka vui lo Lalpa’ tih hmangin pakhatnaah a awm leh a, a dinhmun hi a vuiawm loh tial tial e.
Music video thar neih leh mai hmabak, peih thawkhat tawh Nunui, Lalremsiami hi a zawnin pakhatnaah vawi thum a awm ta. Hontrade International Ṭhazual Fakna chart tihchhuah hmasakah pawh khan pakhatnaah a awm tawh a, tunah rih chuan a dinhmun hi a duhawm a, vuina tur a awm lo
He hla ‘Ka vui lo Lalpa’ tih hi nikum November 7-a chart tih­chhuah aṭang khan kan hmu ṭan a, pasarihnaah bul a rawn ṭan. Hemi hnuah paruknaah a chho a, December thla kha chuan pathumnaah a kai chho tawh a, December 19 khan pakhatnaah a rawn ṭhu ta a ni. Heta ṭang hian pakhatnaah a la ṭhu char char a, a hnukthla thei an la awm lo.
Mawitei leh Open Strings te hla ‘A vul zel’ chu pahnihnaah a rawn chho a, a hmaa pahnihna, Lalhlumawii hla ‘Ka dai ngai loh ram nuam’ chu palinaah a tla thla thung. Bethsy Lalrinsangi hla ‘Mifelte chauh thlang lova’ tih chu pathumnaah a rawn chho a, TBC Zaithanpuia hla ‘Nang chauh i ni’ tih chu panganaah a rawn kai ta bawk.
Mizo Idol aṭanga kan hmuh bawk, Champhai nula, H. Lalremruati hla ‘Fakin zai se’ tih chu 10-na aṭangin a chhuak a, TBCA hla thar ‘Zawh ka zuam lo’ chu pariatnaah a rawn lang thar a, Fiona Pachuau hla ‘I hming chauh’ tih chu pasarihnaah kan hmu bawk a, heng hla pahnih hi hla thar an ni.
Hontrade International Ṭhazual Fakna
1 Lalremsiami - Ka vui lo Lalpa
2 Mawitei ft Open Strings -
	A vul zel 
3 Bethsy Lalrinsangi -
	Mifelte chauh thlang lova
4 Lalhlumawii -
	Ka dai ngai loh ram nuam
5 Tbc Zaithanpuia -
	Nang chauh i ni
6 Pensy B. Lalthangliani-
	Ka inhumhimna
7 Fiona Pachuau -
	I hming chauh
8 Tbc Zaithanpuia -
	Zawh ka zuam lo
9 Electric Veng Branch KṬP (Matthaia Grp) - Ka ring zel ang che
10 Ark of Melody - Ka damna i ni