Nepal-ah SAARC member meeting nei dawn

South Asian Association for Regional Cooperation (SAARC) se­nior official-te chuan February 1-2 hian Nepal khawpui, Kathmandu-ah meeting an nei dawn. Hei hi nikuma SAARC summit ṭhulh a nih hnuah an inhmuhkhawmna hmasa ber tur a ni.

Programming Committee meeting-ah hian SAARC Secretariat budgt leh regional centre panga din chungchangte an sawiho dawn a, SAARC summit neih hun tur siamṭhat chungchangte pawh an ngaihtuah ang. Nikum khan Pakistan rama SAARC summit neih tur chu Pakistan leh India inkar boruak ṭha lo avangin India-in ṭhulh a ni a, member ram dangten India an thlawp avangin summit hi ṭhulh a ni zui ta a ni.