Clash of the Stars a hun a thleng dawn ta

An inngurna a rei tawh a, an inbuatsaihna a rei tawh bawk. Tunah chuan a hun a thleng dawn ta. Zanin dar 8-ah hian Dawrpui Multipurpose Centre-ah professional boxing 'Clash of the Stars' chu a thleng dawn ta e. Mizo leh Manipuri an innuai dawn a, rapper G'nie leh lemchanthiam Papuia Pachuau an inhnek dawn bawk! A hmuhnawm dawn tih a chiang e.

PPV-a en duh tan a en theih dawn a, LPS Cable TV lamah Rs. 60 lek chawiin i en duh phawt chuan i en thei ang. Tin, TV-ah i en hman loa, i mobile phone emaw laptop emaw aṭanga i en duh a nih chuan LPS Play app leh LPSplay.net-ahte Rs. 100 lek chawiin i en thei bawk ang. I enna tur chu i duhthlanna a ni. Hemi chungchang hi chiang lehzuala i hrechiang duh a nih chuan K&P Entertainment YouTube channel-ah a tihdan an chhawp chhuak a, lo en mai rawh le.

Zanin hun atan hian inbuatsaihna an kalpuina a rei tawh a, G'nie chuan nikum lam aṭang khan a inbuatsaih ṭan tawh thu sawi tawhin Papuia Pachuau pawh chutiang bawk chu a ni a, boxing lamah kan la hmu ngai lo, lo ti pawh ni la, i thiamawm e. Mahse en phawt la, i ngaihdan i siam dawn nia.

Inhnek turte chu:-
G'nie leh Papuia Pachuau bakah hian match dang pali a awm dawn.

HC Lalramfela leh AK Naoton Meitei an inhnek dawn a, C Lalhruaitluanga leh Laishram Ronalson Khuman an inhnek bawk ang. Zochhuanawma Fanai leh Thokchom Sahar Meitei an inhnek anga, Zoengmawia leh Laikhuram Shanti Kumar Angang an inhnek bawk ang.

Mizoram Manipur Weight
H.C Lalramfela (2-0) vs AK Naoton Meitei (Debut) Lightweight (61 Kgs)
C Lalhruaitluanga (2-0) vs Laishram Ronalson Khuman (Debut) Super Welterwight (70 Kgs)
Zochhuanawma Fanai (Debut) vs Thokchom Sagar Meitei (Debut) Super Welterwight (70 Kgs)
Zoengmawia (Debut) vs Laikhuram Shanti Kumar Angang (Debut) Super Featherweight (59 Kgs)

+++PPV: LPS Cable TV-ah Rs. 60, LPS Play app leh LPSplay.net-ahte Rs. 100, hrechiang duh tan K&P Entertainment YouTube channel-ah+++