Fak Zai top 20 zawh a ni

14th May, 2022

Mizoram UPC kohhran ṭhalai pawl, General Pentecostal Youth Department hnuaia Literature Committee leh Literature & Publication Board-in an buatsaih, Pentecost Fak Zai top 20 intihsiakna bik chu nizan khan neih zawh a ni ta.

Pentecost Fak Zai top 20 aṭang hian top 10-ah thlitfim leh a ni a, top 10 result hi vawiinah General PYD social media page kaltlangin puan tur a ni dawn a ni.

Fak Zai top 10 hi May 19, Ningani Zan leh May 20, Zirtawpni zanah, Dinthar Kohhran Hall-ah neih chhunzawm tur a ni dawn a, GPYD YouTube channel-ah live-a pekchhuah ṭhin tur a ni a, May 21 leh 22 zanah, Zonet Bawhbelah pekchhuah tur a ni bawk.

Fak Zai top 20 intihsiakna, a zan khatna hi Zonet Bawhbelah, May 14, Inrinni zan dar 8:00-ah pekchhuah a ni ang a, a zan hnihna hi Zonet Bawhbelah, May 15, Pathianni zan dar 8:00-ah chhuah a ni bawk ang.