Kum 8 hnuah MCR-in hla thar tichhuak

Emo rockers My Chemical Romance chuan puangzar lawk loin hla thar 'The Foundations of Decay' an tichhuak thut a, hei hi kum riat lai hnua hla thar an tihchhuah leh hmasa ber a ni hial!

Gerard Way, Frank Iero, Ray Toro leh Mikey Way-te rawn comeback-na hla hi minute ruk vel laia sei a ni a, Fake Your Own Death' hnua an hla tihchhuah leh hmasak ber a ni. 'Fake Your Own Death' an tihchhuah hnu khan Gerard Way chuan an band chu an inṭhendarh thu puangin fan-te rilru hrehawm takin a siam a nih kha. Mahse kum 2019 kumtawpah khan indin thar lehin show-te pawh an nei hman a, hripui a len tak avangin beisei ang erawh chuan thawm an nei ring hman ta lo a ni.