Chhapaak-in ni hnih chhungin Rs vbc 11.67 lalut

Tunhnaia boruak nei lian tak, Deepika Padukone channa Chha­paak chuan ni hnih chhungin cheng vaibelchhe 11.67 a lalut hman.

Acid hmanga beih tawk social activist Laxmi Agarwal chanchin behchhana siam Chhapaak hi sawiselna leh fakna karah Zirtawpni khan tlangzarh a ni a, ni hnih chhunga a sum lakluh ngaihtuah hi chuan BJP boycott campaign kha a hlawhtling lo niin a lang.

Jawaharlal Nehru University (JNU) campus-a a inlan avanga sawisel hlawh tak Deepika channa Chhapaak hian Zirtawpni khan Rs vbc 4.77 a lalut a, Inrinni khan Rs vbc 6.90 a lalut leh hman a ni. Nimina a sum lakluh zat hriat hman a ni lo thung.

Film review-tu langsar tam tak chuan Chhapaak hi an fak hle a, Deepika role play pawh an fak hle a ni.