Starboy bawkin hmun a chang leh
Billboard 200 chart-ah chuan The Weeknd album thar Starboy bawkin hmun a chang ropui leh ber a, John Mayer beisei aiin a thleng sang lo nachungin a ropui tho e.
The Weeknd album pathumna ‘Starboy’ hi copy 56,000 hralhin pakhatnaah a awm leh a, heng zinga copy 36,000 hi streaming equivalent a ni. Heti hian The Weeknd hi Billboard 200-ah hian pakhatnaah vawi nga a awm thei ta a, a zawn erawh chuan a ni lo.
John Mayer album thar ‘The Search for Everything: Wave One’ hian pakhatna a luah an beisei viau nachungin pakhatna a luah pha lo. Kar liam ta chhung khan copy 49,000 an hralh a, pahnihnaah a awm. Pakhatna luah pha lo mah se, pahnihna tal a luah pha a, John Mayer hlawhtlinna tarlan zingah chuan sawi hmaih phal chi erawh a ni lo. Billboard 200-a top 10-a lang thei a album pariatna a ni.
La La Land Soundtrack hi a hralh a la kal viau reng a, pathumnaah a la lang pha a, kar liam ta chhung khan copy 31,000 lai an hralh. Bruno Mars-a album 24K Magic nen an hralh zat a intluk teuh viau a, Bruno Mars hian 30,000 a hralh a ni.
Billboard 200
“Starboy” - The Weeknd (56,000)
“The Search for Everything: Wave One” - John Mayer (49,000)
“La La Land” Soundtrack - Various Artists (31,000)
“24K Magic” - Bruno Mars (30,000)
“AFI (The Blood Album)” - AFI (29,000)
“Moana” Soundtrack - Various Artists (27,000)
“Stoney” - Post Malone (26,000)
The “Hamilton” Soundtrack - Various Artists (26,000)
“Views” - Drake (25,000)
“4 Your Eyez Only” - J. Cole (23,000)