Shakira leh Anuel AA-te hla thar tur 'Me Gusta'

Colombian singer Shakira leh  Puerto Rican rapper Anuel AA-te chuan hla an buaipui dun a, an hla thar tihchhuah dun tur hi 'Me Gusta' tih a ni.

Hemi chungchang hi Shakira chuan Inrinni khan social media-ah a post a, Anuel AA pawh hian Shakira post hnu hian a post ve nghal a, vawiin hian an hla thar hi tihchhuah an tum tih an tarlang ve ve bawk. An pahnih thlalak pawh social media-ah hian an post nghal bawk a ni, Shakira hi a reh rei ta deuh bawk a, tunah hla thar a tichhuak tur hian ngaihven a hlawh hle a, a fan-te tan pawh thu lawmawm tak a ni ngei ang.