India-ah Kaabil a saipui kal

Bollywood box office lamah chuan Hrithik Roshan-a channa, ‘Kaabil’ chu a la saipui kal ngut ngut a, movie dangin an la tluk pha lo. Ni ruk chhuah a ni tawh a, cheng vaibelchhe 73.5 a hmu tling ta.

Shah Rukh Khan-a channa Raees nen khan khaikhin an hlawh a, sum an lalut hnem ṭha viau a, tunah rih chuan Kaabil dinhmun hi a ṭha hret mai thei, a kal vanglai a la nih avang­in. Kaabil hi January 25-a chhuah ṭan kha a ni a, Thawhlehni khan Rs. vbch 6.04 lai a lakluh belh leh.

January 25 khan Rs. vbch 10.43 a lalut a, ni 26 khan Rs.vbch 18.67 lalutin, ni 27 khan a lakluh a tlahniam deuh a, Rs. vbch 9.77 a hmu chhuak. Inrinni kalta khan Rs. vbch 13.54-ah a kai chho a, Pathianni khan Rs. vbch 15.05 lai tling chhoin, Thawhṭanni khan Rs. vbch 6.04 a lalut. A tir ni ruk chhunga sum lakluh khaikhinah chuan Raees a la ropui zawk a, mahse Raees kal vanglai taka Kaabil a rawn chhuah avangin Raees hi a rawn vaw chhia a, tunkar kal tluan leh ta se a danglam deuh tawh mai thei.