Kourtney leh Travis an innei

Kourtney Kardashian leh Blink 182 drummer Travis Barker-te chuan Pathianni khan dan anga an inneihna tur lehkha an tifel niin khawthlang media-te chuan an tarlang a, an innei tawh a nih ber chu.

Amaherawchu, inneih ceremony erawh an la buatsaih loa, Italy lamah buatsaih thuai an tum niin an sawi bawk. Kourtney leh Travis hi Santa Barbara lamah Pathianni khan dan hmaah an innei a, internet lama an thlalak darh aṭang chuan inneih thuam pawh an inbel ngei a ni. Hemi chungchang hi TMZ leh People chuan an tarlang hmasa a ni.

Kum 2020 kum tawp lam aṭangin Kourtney leh Travis hi an inzui ṭan a, nikum October thla khan an inhual thu an puang tawh a ni. April 3 khan unofficial-in Las Vegas lamah an innei tawh niin an sawi bawk.