Mi tin thleng phâk politics khelh a ṭul - ZPM Ṭhalai President

ZPM Ṭhalai hnuaia Entre­preneurship, Youth Empowerment and Development Department chuan nimin khan an pisaah Entrepreneurship and Hand­holding Livelihood Programme an buatsaih a; ZPM Ṭhalai President chuan, rualkhai taka mi tin thleng phâk politics khelh a ṭul tawh thu a sawi.

ZPM Ṭhalai president Mal­sawmzuala Ralte chuan, ZPM ṭhalaite'n an phâk tâwk chinah ramin hma a sawn a, rorelna dik leh fel, ṭhalaite thleng phâk a awm ngei theihna turin ke an pen thu sawiin, "Rualkhai taka mi tin thleng phak politics khelh a ṭul tawh hle. Politics-ah hmai hnih neih a thiang lo. Kristian kan nihna te, inkhawm ṭhin, ṭawngṭai ṭhin, khawtlanga inhmang ṭhin kan nih angin, kan rilru put hmang pangngai nen politics kan khel mai tur a ni," a ti.

Malsawmzuala Ralte chuan, ṭhalai lehkha zir sang lote pawh mahni inhai kaw thei an tam a, mahse hun remchang a váng tih sawiin, "Ṭhalaite hi dem ngawt tur kan ni bik em? Hun remchang nan fuh tur a awm loh vanga âwlthâwng ta viau a lang, thatchhe ta viaua ngaih kan ni fur zawk ang em?" a ti a; ṭhalaite tan hun remchang siam a ṭul thu a sawi.

Inkhawmah hian ZPM secre­tary Jimmy Laltlanmawia'n ṭhalai kal khawmte hnenah thil pawimawhte a zirtir a ni.