Lady Gaga kha pre-record!

A che ropui a, sawi sawi a ngai lo. Amaherawhchu Super Bowl half time show-a Lady Gaga zai ṭhenkhat kha a hmaa lo record tawh, an play leh a ni.

American patriotic song, ‘God Bless America’ hla a sakah khan Lady Gaga hi NRG Stadium chungah a zai a, a zai laiin a hnung lamah drone-in American flag ang­in êng a tichhuak bawk, kha kha stadium-a mipuite pawhin an hmu pha bik lo; stadium chhunga LED screen-a lang kha an thlir ve tho a ni. He hla a sak zawh hian stadium chung aṭanga zuang thla a, hruia rawn inkhai thla nghal angin a lang. Stadium chunga a zai kha a hmaa an lo record tawh a ni.

Intel thupuangtu chuan stadium chunga Gaga zai kha live-a tih pawh an châk viau tih sawiin, khaw awmdan avangin a pulunga tih leh loh an ti ta a, an record a, an chhuah ta zawk a ni a ti. Ruah lo sur ta se, stadium chung khar a ngai ang a, a buaithlak dawn. Thli awm dan a dik lo a, thli a nat lutuk chuan drone pawh khan a thawh tur ang a thawk thei dawn lo a ni an ti. An record lawk nachungin Lady Gaga hi an record-naah a tak ngeiin stadium chung sangah lawnin a zai a, studio chhunga an shot mai mai a ni lo, a hmunah ngei an shot a ni an ti.