Grammy-ah Prince leh Michael pualin hun hmang dawn

Grammy Awards sem tura inbuatsaihnain a vawrtawp a thleng chho ta. Vawiin hi chuan pre-Grammy party a awm ang a, naktuk zan, keini tana Thawhṭanni zingah an sem tawh ang.

Grammy Awards sem hunah hian zaithiam lar pahnihte pualin hun hman a ni dawn. Pakhat chu Prince a ni a, pakhat dang leh chu George Michael a ni. He mite pahnih hian Grammy Award pawh an lo dawng ve ve tawh a ni. Heng mite pahnih sûnna hun an hmanah tunge che dawn tih an la sawi chiang lo. John Legend chuan zaithiam thi ta pual­in hun a hmang dawn tih an lo sawi tawh a, mahse hei pawh hi Grammy official lam sawi a ni lo.

Tun ṭum Grammy Awards show-ah hian Adele, Bruno Mars, The Weeknd, Carrie Underwood, Keith Urban, Kelsea Ballerini, Little Big Town, Chance The Rapper, Alicia Keys, Daft Punk, Maren Morris, Katy Perry, Lady GaGa leh Metallica te an zai ang.