Metallica leh Lady Gaga ten chet ropui an tum

Grammy Awards sem huna Metallica leh Lady Gaga zai tur chuan chanchin a ngah ṭan leh tawh hle a, Metallica chuan ‘thil ṭha leh dangdai tak’ mipuite an hmuhtir tur thu an sawi.

Lady Gaga pawh a phur hle tawh a, hard rock fan a nih thu a sawi chhuak a, an zaiho tur chu a pui dawn tih sawiin, “Heng mite hian an hun tawna an lo chet tawh zawng aia ropui leh ṭha zawkin an che dawn a ni,” a ti. Rock leh metal fan-te tan chuan tun Pathianni zana sem tur, Grammy Awards-a amah leh Metallica zai tur chu hmaih phal chi a ni lo ang a ti bawk.

Grammy Awards-ah hian Metallica hi Best Rock Song-ah an hla ‘Hardwired’ a lang. Grammy vuak-hot-na tur Pre-Grammy Party hi Inrinni hian Beverly Hilton Hotel-ah buatsaih a ni dawn a, hetah hian Metallica pawh an kal ngei dawn. He hunah hian zaithiam lar, khawvelin a hriat lar te leh eizawnna kawng hrang hranga mi ropui leh hming langsarte an fuankhawm ang.